Kumitat Xjentifiku Konsultattiv

Il-Kumitat Xjentifiku Konsultattiv (ASC) jagħmel riċerka biex il-Bord Ġenerali jkun jista’ jieħu deċiżjonijiet makroprudenzjali. Is-sħubija tiegħu tikkonsisti mill-President tal-Kumitat Tekniku Konsultattiv u 15-il espert li jirrappreżentaw firxa wiesgħa ta’ ħiliet, esperjenza u għarfien relatati mas-setturi kollha rilevanti tas-swieq finanzjarji. L-ASC jiltaqa’ tal-anqas darba kull tliet xhur.

Responsabbiltajiet

Il-membri tal-ASC jagħtu sehemhom f’firxa ta’ ħidma ta' politika u riċerka tal-BERS, fosthom fil-gruppi konġunti ASC-ATC għall-intermedjazzjoni finanzjarja mhux bankarja u l-interkonnettività. Il-Kumitat jikkontribwixxi għad-dibattitu pubbliku dwar il-politika makroprudenzjali billi jippubblika Rapporti ASC u Insights ASC. Kontribuzzjonijiet tal-passat jinkludu diskussjoni dwar attività bankarja żejda (overbanking) fl-UE, sejħa għal żvelar imtejjeb ta’ assi li jużaw ħafna karbonju, xogħol analitiku għal pożizzjoni makroprudenzjali u rapport dwar id-diġitalizzazzjoni u l-futur tal-banek. L-ASC jagħti wkoll il-Premju annwali Ieke van den Burg għal riċerka eċċellenti mwettqa minn akkademiċi żgħażagħ u huwa responsabbli għas-Serje ta' Dokumenti ta' Ħidma tal-BERS.

Membri