Premju Ieke van den Burg

Il-Kumitat Xjentifiku Konsultattiv (ASC) jagħti premju annwali biex jirrikonoxxi riċerka eċċezzjonali li ssir minn studenti żgħażagħ fuq suġġett li jkollu x’jaqsam mal-missjoni tal-BERS, jiġifieri l-prevenzjoni u l-mitigazzjoni ta' riskji sistemiċi għall-istabbiltà finanzjarja.

Il-premju twaqqaf b’tifkira ta’ Ieke van den Burg, li kienet membru tal-ewwel ASC bejn l-2011 u l-2014 kif ukoll Membru tal-Parlament Ewropew bejn l-1999 u l-2009. Hija kienet temmen li l-finanzi għandhom jaqdu lis-soċjetà, u l-premju jingħata f’dan l-ispirtu.