Glao ar léirithe spéise le haghaidh saineolaithe macrastuamachta agus riosca shistéamaigh

Sheol an Bord Eorpach um Riosca Sistéamach (BERS) glao ar léirithe spéise chun saineolaithe idirnáisiúnta ar bheartas macrastuamachta agus ar riosca sistéamach a cheapadh mar chomhaltaí dá Choiste Comhairleach Eolaíoch (CCE).

Roghnófar na comhaltaí ar bhonn a n-inniúlachta ginearálta agus a dtaithí éagsúil i réimsí acadúla nó i réimsí eile, go háirithe i bhfiontair bheaga agus mheánmhéide nó i gceardchumainn, nó mar sholáthraithe nó mar thomhaltóirí seirbhísí airgeadais.

Níl fostaithe na n-institiúidí a bhfuil ionadaíocht acu ar Bhord Ginearálta BERS incháilithe chun iarratas a dhéanamh.

Ceapfar na hiarrthóirí a n-éireoidh leo chuig CCE le haghaidh sainordú in-athnuaite ceithre bliana agus ceanglófar orthu na hoibleagáidí maidir le rúndacht ghairmiúil a leagtar síos in Airteagal 8 de Rialachán (AE) Uimh. 1092/2010 agus i rialacha BERS maidir le rúndacht a urramú. Beidh siad i dteideal díolaíochtaí agus aisíocaíocht speansas a bhaineann lena rannpháirtíocht i ngníomhaíochtaí CCE freisin.

Na hiarrthóirí sin nach gceapfar chuig CCE iad ná nach ndiúltófar dóibh le linn an phróisis roghnúcháin seo, cuirfear ar liosta ionadaithe iad a bheidh bailí go ceann dhá bhliain.

Foirm iarratais